"მომხდარით ძალიან დანაღვლიანებული ვარ, მაგრამ ახლა უმთავრესი - ჩვენი შვილების კეთილდღეობაა. მე მთელი გულით ვთხოვ ჟურნალისტებს, თავი დაანებონ ჩვენს შვილებს, ამ მძიმე პერიოდში" - ამბობს მსახიობი, ჟურნალ People-თან მიცემულ ოფიციალურ განცხადებაში.
ანჯელინა ჯოლი, რომელიც ქმართან განშორების ინიციატორი გახლავთ და განშორებასთან დაკავშირებული დოკუმენტები თავად შეიტანა, კომენტარის გაკეთებაზე თავს იკავებს: მსახიობის ადვოკატი აცხადებს, რომ ანჯელინა ამ თემის საჯაროდ განხილვას არ აპირებს.
ანჯელინამ ხელის გაწერა ოჯახის კეთილდღეობისთვის გადაწყვიტა
ამბობენ, ჯოლისა და პიტის განშორების მიზეზი ბავშვების აღზრდაში აზრთა სხვადასხვაობა გახდა, ახლა კი ენჯი ეცდება მათზე ცალხმრივი მეურვეობა ითავოს.
ანჯელინა და ბრედი, ძალიან განიცდიან იმაზე, თუ როგორ აისახება მომხდარი სიტუაცია ბავშვებზე. სხვადასხვა წყაროების ცნობით - ორივე ძალიან დამწუხრებულია.
ბევრი აღნიშნავს, რომ ვარსკვლავების განქორწინება, რომლებიც ერთად 12 წელი იყვნენ, ახლობლებისთვისაც მოულოდნელობა იყო: "მათი განქორწინება ყველასთვის შოკია.
დიახ, ბოლო დროს წყვილს ბევრი პრობლემა ჰქონდა, მაგრამ მაინც, ეს მოწმენდილ ცაზე მეხის გავარდნას ჰგავდა. მათ ხომ ქორწინების წლისთავი ახლახანს აღნიშნეს".
ლეა ხიმშიაშვილი
