ვენეციის კინოფესტივალის წითელ ხალიჩაზე ნატალი პორტმანი ელეგანტურ თეთრ კაბაში გამოჩნდა, რომელიც მის მომრგვალებულ მუცელს უსვამდა ხაზს. აღმოჩნდა, რომ 35 წლის ნატალი და მისი 39 წლის მეუღლე, ბენჟამენ მილპიე მალე მეორე შვილის მშობლები გახდებიან.

მეუღლეებმა ერთმანეთი "შავი გედის" გადაღებებზე გაიცნეს, სადაც ნატალი ერთ-ერთ მთავარ როლს თამაშობდა. 2010 წლის დეკემბერში წყვილი დაინიშნა. მალევე გახდა ცნობილი პირველი შვილის მოლოდინის ამბავი.

მათი ვაჟი, ალეფი 2011 წელს დაიბადა. ბავშვის დაბადებიდან 2 თვის შემდეგ, ნატალიმ და ბენჟამენმა იქორწინეს.

ცოტა ხნის წინ, ოჯახი პაპარაცებმა დააფიქსირეს. სწორედ მაშინ გამოჩნდა პორტმანის წამოზრდილი მუცელი, მიუხედავად იმისა, რომ მსახიობი თავისუფალი სამოსით ფარავდა. ახლა, ოჯახის ეს სასიხარულო სიახლე დადასტურდა.

ვენეციაში ნატალი პორტმანმა ახალი ფილმი"პლანეტარიუმი" წარადგინა, სადაც ახალგაზრდა პარტნიორთან, ჯონი დეპის ქალიშვილთან - ლილი როუზთან ერთად ერთ-ერთი მთავარი როლი შეასრულა.

ლეა ხიმშიაშვილი