ჯგუფ Rolling Stones-ის ლეგენდარული სოლისტი, მიკ ჯაგერი მამა მერვედ გახდება. 72 წლის მომღერალს წინა ურთიერთობებიდან უკვე ჰყავს 7 შვილი, 29 წლის ბალერინასთან, მელანი ხემრიკთან კი ეს პირველი შვილი იქნება. ბავშვი 2017 წლის იანვარში დაიბადება.

მიკი და მელანი ერთად, პირველად 2 წლის წინ, 2014 წელს, ციურიხში შენიშნეს.

ჯაგერს 7 შვილი ჰყავს: 32 წლის ლიზი, 30 წლის ჯეიმსი, 24 წლის ჯორჯია მეი, 18 წლის გაბრიელი - ყოფილი ცოლის, 59 წლის ჯერი ჰოლისგან. წყვილი ქორწინებაში 22 წელი იყო და ერთმანეთს 1999 წელს დაშორდა.

ბიანკა ჯაგერთან 8 წლიან ქორწინებაში, წყვილს ქალიშვილი - ჯეიდი შეეძინა (44 წლის). მომღერალმა მარშა ჰანტმა კი მას ქალიშვილი, კერისი გაუჩინა - ამჟამად 45 წლის. მომღერლის უმცროსი ვაჟი, მიკა ლუკასი 16 წლისაა, რომელიც ბრაზილიელი მოდელისგან, ლუჩიანა ხიმენესისგან ჰყავს.

მიკ ჯაგერის ბოლო ურთიერთობა ტრაგიკულად დასრულდა. ლორენ სკოტმა, რომელთანაც 13 წელი იცხოვრა, 2 წლის წინ თავი მოიკლა.

ჯაგერს უკვე 5 შვილიშვილი და 1 შვილთაშვილი ჰყავს. მამას ყველა მემკვიდრესთან კარგი ურთიერთობა აქვს.


კიდევ ერთი სიახლე, სულ ცოტა ხნის წინ, მიკის კოლეგა, Rolling Stones-ის წევრი, 69 წლის რონი ვუდი ტყუპების მამა გახდა.

მუსიკოსს შვილები 38 წლის მეგობარმა ქალმა გაუჩინა.

ლეა ხიმშიაშვილი