ბიჭი კი, სავარაუდოდ, თავის გრძნობებში ვერ გაერკვა და წლების შემდეგაც ვერ გაუკეთებია არჩევანი. ზურა ყიფშიძე, როგორც ყოველთვის, სიმპათიურად გამოიყურება რამდენიმე დღის წინ ერთ-ერთ რუსულ მუსიკალურ არხზე ''ალი და ნინოს'' მოვკარი თვალი, მალევე ეკრანზე მშვიდობის ხიდი გამოჩნდა და მსახიობი ზურა ყიფშიძეც რომ დავინახე, მივხვდი, თვალი არ მატყუებდა და კლიპი საქართველოში იყო გადაღებული.

не ангелы ჰქვია ჯგუფს, რომელმაც კლიპის გადაღება გასულ ზაფხულს ბათუმსა და თბილისში გადაწყვიტა და წარმატებითაც განახორციელა ჩანაფიქრი. კლიპში საქართველოს ბევრი ლამაზი კადრია, სიმღერა კი სიყვარულზეა.

''ერთხელ მე აუცილებლად დავწერ სიმღერას, რომელიც სიყვარულს მიეძღვნება, კარგი დასასრული ექნება და ჩვენ ბოლოს აუცილებლად ერთად ვიქნებითო'' , - მღერის გულგატეხილი გოგონა. სიუჟეტის მიხედვით, წლების წინ ორ გოგონას ერთი ბიჭი შეუყვარდა.

ბიჭი კი, სავარაუდოდ, თავის გრძნობებში ვერ გაერკვა და წლების შემდეგაც ვერ გაუკეთებია არჩევანი. ზურა ყიფშიძე, როგორც ყოველთვის, სიმპათიურად გამოიყურება.

შეიძლება ვივარაუდოთ, რომ რუს ლამაზმანებს საქართველოსთან სწორედ ისეთი რომანი აკავშირებთ, როგორზეც მღერიან, მაგრამ ამ შემთხვევაში მხოლოდ ჩემი ვარაუდების გამოთქმა შემიძლია, რადგან ზურა ყიფშიძე ყაზბეგშია გადაღებებზე და ჟურნალისტებისთვის მიუწვდომელია.

რაც შეეხება თავად ჯგუფს, ეს უკრაინული გოგონათა ჯგუფია, რომელიც 2006 წელს შეიქმნა და რუსული რეპერტუარი აქვს. გოგონები, რეპერტუარის გარდა, ყურადღების მიპყრობას თამამად ჩაცმითაც არ ერიდებიან.

ჟურნალი ''რეიტინგი''