აუცილებელია სასწრაფოდ შემცირდეს მოპოვებული საწვავის დაწვის შედეგად დარჩენილი პროდუქტების ატმოსფეროში გავრცელების მოცულობა მეცნიერებმა იწინასწარმეტყველეს, რომ რამდენიმე ათწლეულ­ში მსოფლიო ოკეანე ყველა ქალაქს ჩაძირავს, სამყაროზე ძალაუ­ფლებას მედუზები ჩაიგდებენ ხელში და მინიმუმ 100 მლნ ადამიანი დაიღუპება.

წყლის დონე მსოფლიო ოკეანეში 2100 წლისთვის მეტრზე მეტს მოიმატებს - სწორედ ეს არის ნათქვამი კლიმატის ცვლილებასთან დაკავშირებით ექსპერტების მთავრობათაშორი­სი ჯგუფის ახალ მოხსენებაში.

მკვლევრები აღნიშნავენ, რომ ამ ყველაფრის მიზეზი ადამიანის დამღუპველი საქმიანობაა.
კლიმატოლოგები ერთგვარ გამოსავალსაც გვთავაზობენ: სიტუაცია რომ შეიცვალოს, აუცილებელია სასწრაფოდ შემცირდეს მოპოვებული საწვავის დაწვის შედეგად დარჩენილი პროდუქტების ატმოსფეროში გავრცელების მოცულობა.

მოხსენებაში წარმოდგე­ნილი მონაცემების განხილვა იგეგმება სტოკჰოლმის კონფერენცი­აზე, რომელიც უახლოეს მო­მავალში გაიმართება. მასში მონაწილეობას მიიღებენ მეცნიერები და მსოფლიოს სხვადასხვა ქვეყნის მთავ­რობების წარმომადგენლები. კონფერენციის შედეგებს სექტემბერში გამოაქვეყ­ნებენ.

გერმანელი სპეციალი­სტები დამატებით აღნიშნავენ, რომ ჩრდილოეთ ყინულოვანი ოკეანის ფსკერი, პრაქტიკულად, ნარჩენების სასაფლაოდ იქცა - მთლიანად მოფენილია პლასტიკური და სხვა სახის ნაგვით. სიტუაცია უკიდურესად დამღუპველია ეკოსფეროსთვის. 

გლობალური დათბობა ადამიანებსაც ემუქრებათ. ჰუმანი­ტარული ორგანიზაციების მონაცემებით, 2030 წლისთვის ის 100 მილიონზე მეტი ადამიანის სიკვდილის მიზეზი გახდება.

ჟურნალი ''რეიტინგი''