ვიქტორია გამარჯვებას ნიშნავს, - აღნიშნა დიანამ, - ჩვენი ქალიშვილი მთელი ცხოვრება გამარჯვებით ივლის. რუსეთში მოღვაწე ქართველი მომღერალი დიანა ღურწკაია მეორედ შეიგრძნობს დედობის ბედნიერებას. როგორც მომღერალმა ამცნეს, მეორე შვილს ელოდება და უკვე ისიც შეიტყო, რომ ქალიშვილის დედა გახდება.

დიანა ექოსკოპიაზე ექიმთან ჟურნალისტების თანხლებით მივიდა და ყველას გაუმხილა, რომ ძალიან ღელავდა: ''ისე მინდა გოგონა!'' ''მე კი - ბიჭი'' , - იღიმოდა მისი ქმარი პეტრე კუჩერენკო. წყვილს უკვე ჰყავს ერთი ვაჟი - 6 წლის კონსტანტინე.

ექოსკოპიაზე დიანას სასიხარულო ამბავი აცნობეს - დიანას მართლა გოგონა ეყოლება. წყვილს ბედნიერება არ დაუმალავს და სახელიც იქვე მოუფიქრეს. ერთად ჩამოთვალეს გოგონების სახელები, რომლებიც კი ადრე შეურჩევიათ და იმ დასკვნამდე მივიდნენ, რომ მათ ქალიშვილს ყველაზე მეტად სახელი ვიქტორია მოუხდება.

- ვიქტორია გამარჯვებას ნიშნავს, - აღნიშნა დიანამ, - ჩვენი ქალიშვილი მთელი ცხოვრება გამარჯვებით ივლის.

დიანას ჯერ არ გადაუწყვეტია, სად იმშობიარებს. მისი ქმარი და ძმა რობერტი, რომელიც იმავდროულად მისი პროდიუსერიც არის, უცხოურ კლინიკებს ურჩევენ - შვედეთის ან ამერიკის.

- მე რუსეთში მინდა გაჩენა, - ამბობს დიანა, - ასეთი ანდაზაც არის, რომ სახლში კედლებიც გეხმარებიან. ძალიან ვღელავ და მინდა, რომ ყველა ახლობელი ადამიანი ჩემ გვერდით იყოს.

ჟურნალი ''რეიტინგი''