40 წლის გერმანელმა მოდელმა ჰაიდი კლუმმა ამ ზაფხულს დიდად გააოცა თაყვანისმცემლები, როცა ქსელში პლაჟზე გადაღებული გულახდილი ფოტოები გაავრცელა. ფოტოებზე ტოპმოდელს ბიუსტჰალტერი არ უკეთია.
ჰაიდის მშვენიერმა ფორმებმა და გარუჯულმა მკერდმა დიდი მოწონება დაიმსახურა. მასაც არ დაეზარა და გამოაცხადა, რატომ უყვარს მკერდის მოშიშვლება.
როგორც ოთხი შვილის დედამ და წარმატებულმა სუპერმოდელმა ჰაიდიმ თქვა, შვებულება
- მე ევროპიდან ვარ და არ მიყვარს ბიუსტჰალტერების ტარება, - ამბობს ჰაიდი, - არ მომწონს თეთრი ზოლები, რომლებსაც ბიუსტჰალტერი ტოვებს ხოლმე ნამზეურზე.
ქმართან დაშორებული ჰაიდი ამბობს, რომ ძალიან უბრალო ოჯახში გაიზარდა, სადაც სიშიშვლე არასდროს მიაჩნდათ სამარცხვინოდ.
- ჩემი მშობლები ახლაც ჩვეულებრივ იხდიან. ეს იმას არ ნიშნავს, რომ ჰიპები არიან, მაგრამ თუ, მაგალითად, ჩვენი ოჯახიდან რომელიმე სააბაზანოდან გამოდის, დანარჩენები არ დაიწყებენ ყვირილს: „ო, ღმერთო! მიიფარე!“ ბავშვობაში ქუჩაშიც მაისურის გარეშე დავრბოდი და დღემდე ასე ვარ.
სილთან დაშორების მერე ჰაიდიმ რომანი გააბა თავის პირად მცველთან და როგორც ჩანს, თავი ისევ 20 წლის გოგოდ იგრძნო. ჰაიდიმ ისიც გაამხილა, რომ ეს „ცხელი“ ფოტოები მობილური ტელეფონით გადაუღო დედამ. ერთი სიტყვით, კლუმის ოჯახი მართლაც უკომპლექსოა.
ჟურნალი „რეიტინგი“
