აშშ-ში დააპატიმრეს საუდის პრინცის ცოლი მეშაელ ალაიბანი. მას იმაში სდებენ ბრალს, რომ მონურ შრომას იყენებდა. პრინცესა მოახლეებს პასპორტებს ართმევდა, დაბალ ხელფასზე ამყოფებდა და უქმეების გარეშე ამუშავებდა.
პრინცესას წინააღმდეგ სისხლის სამართლის საქმეა აღძრული. კალიფორნიის შტატის ორანჯის ოლქის პროკურატურამ მას ადამიანებით ვაჭრობისა და ადამიანების უკანონოდ დაყოვნების ბრალდება წაუყენა.
მიშაელი საუდის არაბეთის პრინცის აბდელ რახმანა ბენ ნასერ ბენ
გაირკვა, რომ კენიელ ქალს ის შეჰპირდა, თვეში 1600 დოლარი გადაეხადა, თუმცა მერე საბუთები ჩამოართვა და აიძულა, 220 დოლარზე ემუშავა, უქმეების გარეშე. კენიელის გაქცევის შემდეგ საუდის პრინცესას სასახლეში მონურ პირობებში კიდევ ოთხი ფილიპინელი დარჩა.
ალაიბანის ადვოკატები დარწმუნებულნი არიან, რომ გაქცეულმა მოახლემ სწორად ვერ გაიგო კონტრაქტის პირობები. თუ პრინცესა სიმართლეს ვერ დაამტკიცებს, 12 წლამდე პატიმრობა ემუქრება.
ჟურნალი „რეიტინგი“
