ბარაკ ობამას პატივსაცემად გამართულ წვეულებაზე ძალიან ფართო შარვალში გამოცხადდა. ახალი „მის დიორი“ ჯენიფერ ლოურენსი „დიორის“ ერთ-ერთ ჩვენებაზე ისე გამოწყობილი გამოცხადდა, რომ მისმა ჩაცმულობამ დიდი კამათი გამოიწვია მარლენ დიტრიხსა და გრეტა გარბოს გახსენებაზე ახლა შეიძლება ნოსტალგია მოგეძალოს. საქმე ის არის, რომ ძველი ვარსკვლავები ეკრანსა თუ რეალურ ცხოვრებაში მუდამ უზადოდ გამოიყურებოდნენ. თანამედროვე მსახიობები კი გასაოცრად განსხვავდებიან წითელ ხალიჩებსა და მის მიღმა.

რამდენიმე დღის წინ პაპარაცებმა ნიუ-იორკის ქუჩებში წლევანდელი „ოსკარის“ მფლობელი ენ ჰეტეუეი გამოიჭირეს. 30 წლის ჰოლივუდელმა მსახიობმა უკვე გამოიმუშავა თავისი სტილი, რომელსაც შეიძლება ვუწოდოთ „სადა და ბრწყინვალე“ . წითელ ხალიჩებზე ენი მუდმივად ელეგანტურ კაბებში გამოწყობილი ჩნდება, ყოველდღიურ რეალურ ცხოვრებაში კი უპირატესობას მოჩითულ კაბებსა და მოხერხებულ კარიგანებს ანიჭებს უპირატესობას. საერთოდ, ბოლო დროს მსახიობი საკუთარ გარეგნობასთან დაკავშირებით ექსპერიმენტებს არ მიმართავს, მაგრამ რამ აიძულა ასეთი ზომის შარვლის ჩაცმა, გამოცანად რჩება.

ენს არაერთხელ უღიარებია, რომ არ უყვარს ყურადღების მიქცევა, ამიტომ ქუჩაში გასვლისას ჩვეულებრივ სამოსს იცვამს. „რაც უფრო ხშირად მიწევს დახვეწილი გოგონების თამაში, მით უფრო ნაკლებად ვგრძნობ რეალურ ცხოვრებაში მათ მსგავსად შემოსვის აუცილებლობას, - აღნიშნავს ენი, - როცა იშვიათად გიწევს რაიმე დახვეწილის ჩაცმა, ფიქრობ, რომ სულ ასე უნდა გამოიყურებოდე.

მაშინ კი, როცა მდიდრული ტანსაცმელი შენი სამუშაოს ნაწილია, სრულიად სხვაგვარად იწყებ ფიქრს: „ჯობია, ჯინსი და მაისური ჩაიცვა“ . ენის ამგვარ პოზიციას არავინ ეწინააღმდეგება, მაგრამ მისი ფართო შარვალი ამჯერად შეუმჩნეველი არავის დარჩენია. ენი მარტო არ არის, ფართო შარვლების სიყვარული სხვა ვარსკვლავებმაც გამოავლინეს.

სხვათა შორის, არც პოლიტიკოსი ქალბატონები ამბობენ მასზე უარს. მაგალითად, გერმანიის კანცლერმა ანგელა მერკელმა პირველად არა მარტო პოლიტიკის, არამედ მოდის სფეროს ჟურნალისტთა ყურადღება მაშინ მიიპყრო, როცა ბარაკ ობამას პატივსაცემად გამართულ წვეულებაზე ძალიან ფართო შარვალში გამოცხადდა. ახალი „მის დიორი“ ჯენიფერ ლოურენსი „დიორის“ ერთ-ერთ ჩვენებაზე ისე გამოწყობილი გამოცხადდა, რომ მისმა ჩაცმულობამ დიდი კამათი გამოიწვია.



ჟურნალი „რეიტინგი“