40 მილიონამდე ადამიანი დაზარალდა, 4 მილიონი კი დაიღუპა ადამიანი ხშირად იქმნის ილუზიას, რომ ყველაფრის მბრძანებელია, თუმცა ბუნებრივი კატაკლიზმების წინაშე ყველა უძლურია. სტიქიური უბედურებები არაერთხელ დასტეხია კაცობრიობას. მათ შორის ყველაზე საზარელ ბუნებრივ კატასტროფებს გადავავლოთ თვალი.

. 1556 წელს ჩინეთში დამანგრეველი მიწისძვრა მოხდა. დღეს ვერ აზუსტებენ, რამდენბალიანი იქნებოდა, თუმცა ფაქტია, რომ უდიდესი მსხვერპლი მოჰყვა - 830 ათასი ადამიანი. ეს ყველაზე დიდი მსხვერპლია, რაც კი ოდესმე მოჰყოლია მიწისძვრას.

. ასევე ჩინეთში 1931 წელს წყალდიდობა მოხდა. წვიმიან სეზონზე მდინარეები იანცზი და ხუანხე ადიდდა. 40 მილიონამდე ადამიანი დაზარალდა, 4 მილიონი კი დაიღუპა.

. 1824 წელს პეტერბურგში მოხდა წყალდიდობა. როგორც ამბობენ, მსხვერპლის რაოდენობას ათასამდე არ მიუღწევია, თუმცა ბევრი უგზოუკვლოდ დაიკარგა.

. 1755 წელს პორტუგალიას ცუნამი დაატყდა თავს, ყველაზე საშინელი ევროპაში. ლისაბონი პრაქტიკულად მიწიდან აღიგავა. 100 ათასზე მეტი ადამიანი დაიღუპა.

. 1780 წელს დიდი ქარიშხალი დატრიალდა კარიბის ზღვის ანტილიის კუნძულებზე. მას 27 ათასამდე ადამიანი ემსხვერპლა.

. ასევე ძლიერი ქარიშხალმა, მეტსახელად „კატრინამ“, ამერიკას გადაუარა. მას 1836 ადამიანი ემსხვერპლა.

. 2007 წელს საბერძნეთში მეტისმეტად ცხელი ზაფხული იყო და ხანძრის 3 ათასი კერა დაფიქსირდა. ხანძარმა უზარმაზარი ტერიტორია გაანადგურა და 79 ადამიანი იმსხვერპლა.

. თუმცა უდიდესი ხანძარი ისტორიაში 1666 წელს ლონდონში მოხდა. 70 ათასზე მეტი სახლი განადგურდა და 80 ათასამდე ადამიანი დაიწვა.

ჟურნალი ''რეიტინგი''