- რას ველოდოთ ახალი კომედიისგან?
- ამბის გაგრძელებას. პირველი ''მაცდუნებლიდან'' ცნობილ ოჯახში ყველაფერი იდეალურად არ არის, ისევე როგორც რეალურ ცხოვრებაში. სიქველი გაცილებით უფრო სასაცილო გამოვიდა, თუმცა სევდიანი მომენტებიც არის.
- წინა ფილმში, ''მფარველ ანგელოზშიც'' ახერხებდით დრამისა და კომედიის დაბალანსებას...
- ''ზეცაში დაკაკუნებაც'' კარგი გამოვიდა ამ მხრივ (იცინის). ''მფარველ ანგელოზში'' კი, რომელიც დრამაა, კაცი ფეხებს კარგავს, მაგრამ მაინც ხუმრობს თავის თავზე. თუ ადამიანს შეუძლია გაცინება, გამოდის, მას არა მხოლოდ დაცემის სჯერა, არამედ აღმაფრენისაც.
- ხშირად თამაშობთ მამაცებს. ტილ შვაიგერს თუ ეშინია რამის?
- რასაკვირველია. ძალიან მეშინია ჩემი ახლობლების გამო. და ფრენაც არ მიყვარს.
- ორივე ''მაცდუნებელში'' თქვენი ქალიშვილის როლს თქვენი ნამდვილი ქალიშვილი, 10 წლის ემა თამაშობს. აღგიქვამდათ გადასაღებ მოედანზე, როგორც რეჟისორს?
- ვერ ვიტყვი, რომ დიდად არჩევდა, მამა იყო თუ რეჟისორი. თუმცა ჩემს თხოვნას, კიდევ ერთი დუბლი გადაგვეღო, უფრო სიამოვნებით ასრულებდა, ვიდრე სახლში როცა ვთხოვ რამეს.
- შვილებთან ერთად უქმეებს როგორ ატარებთ?
- რას აღარ ვაკეთებთ. კინოში დავდივართ, ვყბედობთ, ველოსიპედებით ვსეირნობთ.
- სამი სიტყვით აღწერეთ საკუთარი თავი.
- გულწრფელი, მხიარული, მოუთმენელი.
- რას ეუბნებით საკუთარ თავს რთულ წუთებში?
- არის ასეთი ამერიკული ანდაზა: ''დაცემა არ არის საშიში, საშიშია, რომ ვერ ადგე''. რეალურ ცხოვრებაში საკუთარ თავს გამუდმებით ვაქეზებ და ვამხნევებ.
- რეჟისორული ოცნება თუ გაქვთ?
- მე არ ვოცნებობ, მე ვაკეთებ.
ჟურნალი ''რეიტინგი''
