''პრეზიდენტის მთელი ამალა ''- 1976 წ.
უილიამ გოლდმანის სცენარი დაეყრდნო 1974 წელს გამოცემულ იმავე სახ¬ელწოდების წიგნს, რომელიც ნამდვილ ამბავს ეფუძნებოდა. კერძოდ, ''უოტერ¬გეიტის სკანდალს'', რომელმაც ამერიკის შეერთებული შტატების პრეზიდენტის რიჩარდ ნიქსონის თანამდებობა შეიწირა, მისი უახლოესი გარემოცვის რამდენიმე
1972 წლის 17 ივნისს პრეზიდენტის საარჩევნო კამპანიის ხუთი აქტივისტი უოტერგეიტის კომპლექსში მდებარე დემოკრატიული პარტიის შტაბბინაში შეღწევის მცდელობისას დააპატიმრეს. გაზეთ ''ვაშინგტონ პოსტის'' კორესპონ¬დენტების კარლ ბერნსტეინისა და ბობ ვუდვორდის ჟურნალისტური გამოიძიების მიხედვით დადგინდა, რომ ნიქსონი თავისი პოლიტიკური ოპონენტების დისკრედ¬იტაციას ისახავდა მიზნად. წიგნის საავტორო უფლებები რობერტ რედფორდმა 450 000 დოლარად შეიძინა და ერთ-ერთი მთავარი როლიც განასახიერა დასტინ ჰოფმანთან ერთად. ფილმს არნახული წარმატება ხვდა წილად და ნომინირებული იყო ''ოსკარის'' რვა ნომინაციაზე, რომლიდანაც სამი დაისაკუთრა.
''გულთან ახლოს'' - 1996 წ.
ამერიკული რომანტიკული დრამა ამ სახელწოდებით, რობერტ რედფორდისა და მიშელ პფაიფერის მონაწილეობით, გულგრილს ნამდვილად ვერ დაგტოვებთ. მიშელის პერსონაჟი, სალი ეტვოტერი, ჟურნალისტის კარიერაზე ოცნებობს და შეხვდება პროდიუსერს, რედფორდის გმირს, რომელიც მის ცხოვრებასა და კარიერას თავდაყირა დააყენებს.
ფილმს საფუძვლად ცნობილი ამერიკე¬ლი ტელეწამყვანის ჯესიკა სავიჩის რე¬ალური ისტორია დაედო, თუმცა პროდი¬უსერებმა გარკვეული გადაწყვეტილებები მიიღეს და კორექტივებიც შეიტანეს, რათა ფილმი უფრო კომერციული გამოსულიყო. სხვათა შორის, ''გულთან ახლოს'' ერთი ''ოსკარითაც'' არის დაჯილდოებული, საუკეთესო ორიგინალური სიმღერისთ¬ვის სელინ დიონის შესრულებას მიენიჭა ''ოქროს კაცუნა''.
''ფროსტი ნიქსონის წინააღმდეგ'' - 2008 წ.
და ისევ უოტერგეიტის საქმე და კიდევ ერთი ფილმი მის შესახებ, კიდევ ერთი რეალური ამბავი, თუ როგორ დაითანხმა ამ სკანდალური საქმის შემდეგ ინტერვიუზე გადამდგარი პრე-ზიდენტი ნიქსონი ჟურნალისტმა, რომელსაც მანამდე გასარ¬თობი შოუ მიჰყავდა. მაიკლ შინი ასახიერებს მიზანდასახულ ჟურნალისტს, დევიდ ფროსტს, ხოლო ნიქსონს ბრწყინვალედ თამაშობს ფრენკ ლანგელა. ფილმი ''ოსკარის'' ხუთ ნომინაციაზე წარადგინეს, ვერც ერთი ვერ მიიღო, თუმცა დაგვერწმუნეთ, მისი ნახვა აუცილებლად ღირს.
ნინო მურღულია
ჟურნალი ''რეიტინგი''
