ზოგადად, მთელ მსოფლიოში სერიალების ბუმი რომ არის, ჩემზე კარგად მოგეხსენებათ. გარდა ამისა, ისიც ვიცით, რომ ლათინო-ამერიკულ სერიალებს ტოლს არ უდებს და მგონი, პოპულარულობით უკვე ასწრებს კიდევაც თურქული, თუმცა სულ ახლახან ასპარეზზე, გაგიკვირდებათ და, კორეელები გამოჩნდნენ, რომლებმაც უკვე დაიკავეს საკუთარი ნიშა.
''პალიტრა TV'' არის პირველი არხი ქართულ ტელესივრცეში, რომელიც ამგვარ ექსპერიმენტზე წავი
ის ძალიან საინტერესოდ მოგვითხრობს ერთი უბრალო გოგონას ისტორიას, რომელიც ჯერ იმპერატორის მეუღლე გახდა, ხოლო შემდეგ თვითონ ავიდა ტახტზე. აღსანიშნავია, რომ სერიალის გადაღების ხარისხი ძალიან მაღალია, არის შესანიშნავი ბატალური სცენები და ჩანს კოსტიუმების მხატვრის უდიდესი შრომა.
ცნობილია, რომ მეთოთხმეტე საუკუნის ჩინეთის საიმპერატორო კარის კოსტიუმებია აღდგენილი და ამისთვის გადამღებმა ჯგუფმა უდიდესი ძალისხმევა გასწია.
უცნაურია, მაგრამ ქართველ მაყურებელს უკვე სცოდნია იმის შესახებ, რომ კორეული სერიალები მსოფლიოში დიდი პოპულარობით სარგებლობს. როგორც კი სერიალის რეკლამა ''პალიტრა TV''-ზე განთავსდა, კომენტარებმაც არ დააყოვნა.
მარიტა გიგაური: ''ძალიან მაგარია. არ მჯერა, ქართული გახმოვანება რომ აქვს''.
ხატია ხუციშვილი: ''ვაიმე, ეს სერიალი როგორ მიყვარს. კარგი იქნება, თუ სხვა კორეულ სერიალებსაც გაუშვებთ, ველოდებიიიი''.
ეკა ნავროზაშვილი: ''ერთი სული მაქვს, დაიწყოს.'' ნინა დადიანი: ''მარტო შაბათ-კვირას? მთელი ხუთი დღე შაბათ-კვირას დაველოდები მოუთმენლად''.
მარი გიგატაძე ემჯეი: ''რა მაგარია. როგორც იქნა, შემიძლია, კორეულ სერიალებს ქართულად ვუყურო''.
ლი ანი: ''გვეღირსააააა''.
როგორც შევიტყვე, არა მხოლოდ საქართველოშია კორეული სერიალებისადმი დიდი ინტერესი. სხვა ქვეყნების კინოფორუმებს რომ ეწვიოთ, ინტერესი იქაც უდიდესია, თუმცა მათ უკვე ნანახი აქვთ კორეული კინონაწარმი, ჩვენ კი ამის საშუალებას ''პალიტრა TV'' ყოველ შაბათსა და კვირას, საღამოს 21 საათიდან გვაძლევს.
ჟურნალი ''რეიტინგი''
