თურმე მართლა ''ბრიყვდებიან'', ოღონდ არა ბუნებრივად ქერები, არამედ ისინი, ვინც წყალბადის ზეჟანგით იქერავებს თმას. მკვლევართა მონაცემების თანახმად, იმ გოგონებს, რომლებიც თმის გაღიავების ამ საშუალებას ხშირად იყენებენ, ინტელექტის კოეფიციენტი უქვეითდებათ. 31 მაისს მთელ მსოფლიოში აღინიშნა ქერა ქალბატონების დღე. სწორედ ამ დღეს გაიხსენეს მსოფლიოს ყველაზე ცნობილი და ყველაზე ჭკვიანი ქერა ქალბატონები. დიახ, ჭკვიანები, რადგან ქერა ქალბატონების ჭკუა ხშირად დგებოდა ეჭვქვეშ და ქერა თმა სისულელესთან ასოცირდებოდა.
მსოფლიოს კინოეკრანებზე ერთ-ერთი ყველაზე ცნობილი, ლეგენდარული და აღიარებული ქერა ლამაზმანი მერილინ მონრო იყო. ის ეკრანის მთავარი ქერა მზეთუნახავია, რომელიც მთელი კარიერის განმავლობაში ცდილობდა იმის დამტკიცებას, რომ არ იყო სულელი და უფრო მეტის გაკეთება შეეძლო კინოში. თუმცა ამის დამტკიცების საშუალება არავინ მისცა. ყველაზე საინტერესო კი ის არის, რომ ყველაზე ცნობილი ქერა ქალბატონი სინამდვილეში ბუნებრივად მუქთმიანი ნორმა ჯინ ბეიკერი იყო, რომელმაც კინოში წარმატების მისაღწევად შეიღება თმა ქერად და მერილინ მონრო დაირქვა. მ
ერილინის მერე კინოში მრავლად ყოფილა ქერა ქალბატონები - ბუნებრივად ქერებიც და შეღებილებიც. მათ შორის აღსანიშნავია თუნდაც შერონ სტოუნი, მიშელ პფაიფერი, სკარლეტ იოჰანსონი და სხვები.
ჭკვიან ქერა ქალბატონებს შორისაა ნიკოლ-რეინ ლეპოტი, ფრანგი მათემატიკოსი და ასტრონომი, რომელიც XVI საუკუნეში მოღვაწეობდა და მის სახელს ბევრი მნიშვნელოვანი აღმოჩენა თუ გამოთვლა უკავშირდება. მადამ ლეპოტი ისეთი ჭკვიანი და მშვენიერი იყო, რომ მისი სახელი მოგვიანებით არაერთ მშვენიერ ყვავილს დაარქვეს.
კიდევ ერთი ცნობილი ქერა მეცნიერი იყო კაროლინა ლუკრეცია გერშელი - ქერა კულულები, იისფერი თვალები და ვარდისფერი ტუჩები ძნელად მიგანიშნებთ, რომ ეს ქალბატონი XVII საუკუნის ერთ-ერთი ცნობილი ასტრონომი იყო. მას არაერთი აღმოჩენა და სამეცნიერო წიგნი ეკუთვნის.
ქერათმიანი იყო იტალიელი მათემატიკოსი მარია ანიეზი და პოლონელი მარია სკლადოვსკაია-კიური, ერთადერთი ქალი, რომელიც ორჯერ გახდა ნობელის პრემიის ლაურეატი. 1903 წელს ნობელის პრემია ფიზიკაში მიიღო, 1911 წელს კი - ქიმიაში.
შორს წასვლა არ არის აუცილებელი, თანამედროვე მაგალითებიც არსებობს. მაგალითად, ამერიკელმა გრეის ჰოპერმა არა მხოლოდ კომპიუტერული პროგრამირების ერთ-ერთი პირველი ენა გამოიგონა, არამედ ფლოტში კონტრ-ადმირალის წოდებასაც კი მიაღწია.
ქერა ინტელექტუალთა რიცხვშია ასევე ჯოან როულინგი, ჰარი პოტერის შესახებ ამბების შემქმნელი და არა მხოლოდ ყველაზე ცნობილი საბავშვო მწერალი, არამედ - ყველაზე მდიდარიც.

რაც შეეხება მითს ქერა ქალბატონების ჭკუასუსტობის შესახებ, როგორც მეცნიერებმა გამოიკვლიეს, არც მთლად უსაფუძვლოა. თურმე მართლა ''ბრიყვდებიან'', ოღონდ არა ბუნებრივად ქერები, არამედ ისინი, ვინც წყალბადის ზეჟანგით იქერავებს თმას. მკვლევართა მონაცემების თანახმად, იმ გოგონებს, რომლებიც თმის გაღიავების ამ საშუალებას ხშირად იყენებენ, ინტელექტის კოეფიციენტი უქვეითდებათ.

ჟურნალი ''რეიტინგი''