ცნობილი გახდა, რომ ''ევროვიზიის'' გამარჯვებული კონჩიტა ვურსტი და მისი მეორე ნახევარი ჟაკ პატრიაკი ბავშვის აყვანას აპირებენ. ეს ინფორმაცია პირადად დაადასტურა ჟაკ პატრიაკმა.

მისი თქმით, მას მერე, რაც კონჩიტამ გაიმარჯვა, ერთ-ერთმა ავსტრიულმა კონსერვატიულმა პარტიამ თანხმობა განაცხადა თავისი კანონების გადახედვაზე, რომელიც კრძალავს არატრადიციული ორიენტაციის წყვილებისთვის შვილის აყვანას.

ტომ ნოივირტმა, რომლის სცენური სახეა კონჩიტა, უკვე არაერთხელ აღნიშნა, რომ ბურლესკის მოცეკვავე ჟაკ პატრიაკზეა დაქორწინებული და ოთხი წელია, წყვილი ერთად ცხოვრობს.