მრავალი ''ოსკარის'' მფლობელ ფილმს შევცქერით, ვიძირებით ლეონარდო დი კაპრიოს თვალებში რეჟისორების, მსახიობების და ზოგადად, კინოს შემქმნელთა ოსტატობა იმით გამოიხატება, როგორ ახერხებენ ისინი ეკრანზე ადამიანური განცდების სწორად გადატანას, ისე, რომ მაყურებელს სჯერა - უმა ტურმანის შურისმაძიებელი გმირი ქუენტინ ტარანტინოს შედევრიდან ''მოკალი ბილი'', ნამდვილად სრული სისასტიკით უსწორდება ლიუსი ლიუს პერსონაჟს, ედუარდი ხელმაკრატელა მართლაც არსებობს სადღაც, როცა ჯეიმს კამერონის მრავალი ''ოსკარის'' მფლობელ ფილმს შევცქერით, ვიძირებით ლეონარდო დი კაპრიოს თვალებში, მისი ჯეკის უსიცოცხლო სხეული კი, თავის მხრივ, ''ტიტანიკიდან'' ოკეანის სიბნელეში იძირება.









განვიცდით პის ცხოვრებას და საკუთარ თავს ვუსვამთ შეკითხვას, სინამდვილეში რომელი ამბავი დავიჯეროთ ამ ფილმიდან, ჰიტ ლეჯერის ''ჯოკერი'' გვაოცებს თავისი მონოლოგებით ცხოვრების საზრისზე, თავად ლეჯერი კი ვერასდროს ვეღარ შექმნის ასეთ ბრწყინვალე როლს კინოში, რადგან ცოცხალი აღარ არის, მაგრამ ამ როლით თავი კინოგალერეაში სამუდამოდ დაიმკვიდრა...





ბავშვობიდან მოგვყვება სტივენ სპილბერგის ი თი, ჩვენც გამალებით ვიბრძვით სამას სპარტელთან ერთად, ჰარი პოტერის მსგავსად, გვსურს ჯადოსნური ჯოხის აქნევა და შესაბამისი სიტყვების წარმოთქმა, ბენი ჰურისა და სპარტაკის პირველად ნახვის შემდეგ, ემოციებს ვერ ვუმკლავდებით...



კინოსამყაროს მაგიური ძალა არაერთხელ გამოგვიცდია, მაგრამ სინამდვილეში ეს ყველაფერი კარგად შექმნილი ილუზიაა, რეჟისორები კი ერთგვარად ჰარი პოტერები არიან. როგორც კი იტყვიან, ''გადაღებულია!..'', ყველაფერი თავის ადგილს უბრუნდება, მსახიობებიც პერსონაჟებიდან ''გამოდიან'' და ფოტოგრაფიც მუშაობას იწყებს.





სწორედ ამ ''გაწკაპუნებების'' შედეგია ლეგენდარული ფილმების კულისებში გადაღებული ეს ფოტოებიც, რომლებიც მთლიანად შეგიცვლით წარმოდგენას თქვენთვის ნაცნობ პერსონაჟებზე...

კესო ლაღიძე
სპეციალურად საიტისთვის