მოგზაურობის ფოტოები ანფისამ სოციალურ ქსელში გაავრცელა და აღტაცებული ტექსტებიც დაურთო: ''ბედნიერება სწორედ ასეთი მომენტებით იქმნება: მზეზე გახურებული კანის სურნელი, ქარისგან აშრიალებული თმა, აქაფებული ტალღები, გვერდით საყვარელი მამაკაცი, რომელსაც ეზარება გარუჯვა, მაგრამ უნდა, შენ გვერდით იყოს... ბედნიერებაა ამ დღით ცხოვრება''.
''ბინას ორი წელი ვეძებდი და ლამის უკვე გამიქრა იმედი, რომ შესაფერის ვარიანტს ვიპოვიდი. სწორედ ამ დროს დამეხმარნენ მეგობრები და მირჩიეს, ექსტრასენსისთვის მიმემართა. სწორედ ის დამეხმარა... - ამბობს ანფისა, - ვკითხე, ბოლოს და ბოლოს, როდის ვიპოვი ბინას. მან მიპასუხა: რომ გააჩენ, მერე ერთ წელიწადში იპოვი იმას, რასაც ეძებ.
მაშინ ორსულობის პირველი თვეები მქონდა. ყველაფერი კი ზუსტად ისე მოხდა, როგორც ექსტრასენსმა მითხრა''.
დღეს ანფისა და გურამი შვილთან ერთად სწორედ იმ ბინაში ცხოვრობენ. ზაფხულში საქართველოში გამომგზავრებასაც გეგმავენ. ადრე ფიქრობდნენ, რომ ქორწილიც გადაეხადათ გურამის სამშობლოში, თუმცა ჯერჯერობით ურთიერთობის გაოფიციალურებას არ ჩქარობენ.
შეგახსენებთ, რომ ანფისა რუსეთში ცნობილი მსახიობი და ტელეწამყვანია, რომელიც წარსულში სექსუალური იმიჯითა და ასეთივე ფოტოსესიებით იყო განთქმული.
ერთ-ერთ სპექტაკლში მონაწილეობისას გაიცნო ქართველი მსახიობი გურამ ბაბლიშვილი, რომელიც წლებია, რუსეთში მოღვაწეობს. მათ ერთმანეთი შეუყვარდათ და მალევე გადაწყვიტეს ერთად ცხოვრება.
