განრისხებულმა ყოფილმა პირველმა ლედიმ კი ელისეის სასახლეში ძვირადღირებული ჭურჭელი დაამტვრია ახლახან ფრანგული კინოს ორმა მეგავარსკვლავმა - კატრინ დენევმა და სოფი მარსომ პრეზიდენტ ოლანდის გამო იჩხუბეს. მათი აზრები პრეზიდენტის პირად ცხოვრებასა და პიროვნებასთან დაკავშირებით დიამეტრალურად საწინააღმდეგი აღმოჩნდა.

ახლახან საფრაგეთში ახალი სექსსკანდალი აგორდა და პრეზიდენტი ოლანდი ცნობილ მსახიობ ჟული გაიესთან ინტიმურ კავშირსა და ყოფილი მეგობარი ქალის ვალერი ტრიერვაილერის ღალატში ამხილეს, მასზე ოლანდი ოფიციალურად დაქორწინებული არ ყოფილა.

47 წლის სოფი მარსომ პრეზიდენტს მშიშარა და ხამი უწოდა. დენევმა კი ქვეყნის პრეზიდენტი დაიცვა და მარსოს უხეშობაში დასდო ბრალი, ეს უკანასკნელი ზედმეტი პირდაპირობითაა ცნობილი, ყოველთვის დაუფარავად ამბობს, რასაც ფიქრობს და ხშირად ხვდება გაზეთების პირველ ფურცლებზე.

კატრინი კი პირიქით, დარწმუნებულია, რომ პრეზიდენტი ასეთი "კომპლიმენტებით" არ უნდა შეამკო, იმ შემთხვევაშიც კი, როცა მისი მხარდამჭერი არ ხარ. რიგით ფრანგებს კი ყველაზე მეტად ის ხმები აწუხებთ, რომ პრეზიდენტი საყვარლის მშობლების მოსანახულებლად სამხედრო ვერტმფრენით, სახელმწიფოს ხარჯზე ჩაფრინდა, განრისხებულმა ყოფილმა პირველმა ლედიმ კი ელისეის სასახლეში ძვირადღირებული ჭურჭელი დაამტვრია.