ავსტრალიელმა გეი მამაკაცმა მეზობლის ქალი მაშინ გააუპატიურა, როდესაც ქალს საკუთარ სახლში, თავისსავე საწოლში ეძინა. ამის შესახებ "დეილი მეილი" წერს.

შემთხევვა ახალი წლის ღამეს მოხდა, თუმცა მამაკაცს პატიმრობა ახლა მიესაჯა და მას ციხეში 19 თვის გატარება მოუწევს.

39 წლის მეთიუ სოიერი თავის საყვარელ მამაკაცზე, მაქს პეტროზე არის დაქორწინებული. წყვილი ახალი წლის ღამეს წვეულებაზე იყო, სახლში დაბრუნების შემდეგ კი მეზობლის ქალსა და მის ბოიფრენდს ესტუმრნენ და გართობა გააგრძელეს.

გეი წყვილმა მეზობლის სახლში დაიძინა, მასპინძელ ქალსაც ეძინა, ხოლო ქალის ბოიფრენდმა დილით ძაღლის სასეირნოდ წაყვანა გადაწყვიტა. როდესაც კაცი ბინიდან გავიდა, მეთიუ სოიერს გაეღვიძა, ის ქალის ოთახში შევიდა და მასთან სექსით დაკავდა.

სოიერი ამბობს, რომ ის მთვრალი იყო და არაფერი ახსოვს. მსხვერპლმა მომხდარის შემდეგ თავის ბოიფრენდს დაურეკა, ის ძალიან შეშინებული იყო და ტიროდა. ქალის ბოიფრენდი სახლში დაბრუნდა და სოიერი გააგდო.

მსხვერპლი ქალი ამბობს, რომ მართალია, ის მთვრალი იყო, თუმცა ახსოვს, როგორ იხმარა ძალა სოიერმა და როგორ გააუპატიურა, წინააღმდგეობის გაწევის მიუხედვად.