ჰოლივუდის ვარსკვლავი, ლივ ტაილერი ულამაზესი გარეგნობით გამოირჩევა და მიუხედავად იმისა, რომ დღეს დიდ ეკრანზე ხშირად აღარ ჩანს, მაინც უმარავი გულშემატკივარი და თაყვანისმცემელი ჰყავს.

ლივი ცნობილი მუსიკოსების ოჯახში დაიბადა. რომ არაფერი ვთქვათ მის სუპერპოპულარულ მამაზე, სტივ ტაილერზე, მისი დედაც ცნობილი მუსიკოსი იყო.

ბიბი ბიუელი პოპულარული მომღერალი გახლდათ, რომლის სახელზეც 8 სტუდიური ალბომია.

ლივმა მშობლებისგან განსხვავებით, სამსახიობო კარიერა აირჩია და მის მიერ შესრულებული როლები "ბეჭდების მბრძანებელსა" და "არმაგედონში" დაუვიწყარია. მომხიბვლელი მსახიობი ახლა 42 წლისაა და 3 შვილს ზრდის. სამივე შვილი მას ბრიტანელი სპორტსმენისა და სპორტული აგენტისგან, დევიდ გარდნერისგან ჰყავს.

წყვილი 2015 წელს დაინიშნა, თუმცა ოფიციალურად ჯერჯერობით არ დაქორწინებულან.

ლივის შვილებს შორის საზოგადოების ყველაზე დიდ ყურადღებას ლულა როუზ გარდნერი იპყრობს, რომელსაც ყველაზე მეტად ამსგავსებენ დედას.

4 წლის გოგონას დედის მსგავსი თვალები აქვს. ლივი ხშირად აქვეყნებს "ინსტაგრამის" პირად გვერდზე მის ფოტოებს. ფანები კი აღნიშნავენ, რომ პატარა ლულა "დედის ასლია". საოცარ მსგავსებაში ეს ფოტოები თავადაც დაგარწმუნებთ.