მეგან მარკლისა და პრინცი ჰარის ბოლო ოფიციალური გამოჩენა დიდ ბრიტანეთში, რამდენიმე საათის წინ შედგა. როგორც ირკვევა, ცოლ-ქმარი, რომელთა ფოტოებმაც ყველა სოციალური ქსელი მოიცვა, ამ დღეს სამეფო ოჯახის უმაღლესი წევრების სტატუსით ბოლოჯერ გამოჩნდნენ.

წყვილი დაესწრო Endeavour Fund Awards-ის ყოველწლიურ ღონისძიებას, რომელიც ომში დაზარალებულ სამხედრო პირებსა და ვეტერანებს ეხება. შესაბამისად, ორივე მათგანმა ცერემონიაზე დამსწრე საზოგადოებას სიტყვითაც მიმართა.

მეგან მარკლმა ამ დღისთვის მოირგო ცისფერი საღამოს კაბა, რომელმაც ახალგაზრდა დედიკოს იდეალურ სხეულს კიდევ ერთხელ გაუსვა ხაზი.