მარტინ სკორსეზეს თაყვანისმცემლებისთვის არაჩვეულებრივი სიახლე აქვს. ცნობილი გახდა, რომ რეჟისორის ახალ ფილმში ლეგენდარული მსახიობები რობერტ დენირო და ლეონარდო დიკაპრიო ითამაშებენ.

ინფორმაცია თავად ლეონარდო დიკაპრიომ დაადასტურა. მათ მარტინ სკორსეზესთან თანამშრომლობის დიდი გამოცდილება აქვთ. მსახიობებს მის არაერთ ფილმში მიუღიათ მონაწილეობა.



სკორსეზე ახალ ფილმს დევიდ გრანის ნაწარმოების მიხედვით გადაიღებს, რომელიც FBI-ის გამომძიებლების შესახებ მოგვითხრობს. ფილმში გადმოცემული იქნება მეოცე საუკუნეში მომხდარი ამბავი, როდესაც ნავთობის მაგნატები კრიმინალურმა დაჯგუფებებმა მოკლეს. ფილმის გადაღებები მარტიდან დაიწყება.