ახალი სკანდალი, რომელიც მოდის ინდუსტრიაში დატრიალდა და მთელ მსოფლიოს მოედო ჟურნალ Vogue-ის ამერიკული ვერსიის რედაქტორს ანა ვინტურსა და ამერიკის შეერთებული შტატების პირველ ლედს მელანია ტრამპს შორის მოხდა.



ამერიკის შეერთებული შტატების პირველი ლედი, მელანია ტრამპი, პირველი ლედის ამპლუაში Vogue-ის გარე ყდაზე არ გამოჩენილა.



ანა ვინტურმა განაცხადა, რომ მელანია ტრამპი მისთვის შთამაგონებელი ქალბატონია, თუმცა, ამ ეტაპზე არ არის დარწმუნებული, რომ მისი ჟურნალის ყდაზე გამოჩენა საჭიროებას წარმოადგენს და ამ საკითხზე ჯერჯერობით არც ფიქრობს.



ანა ვინტურის განცხადება პასუხის გარეშე არ დაუტოვებიათ პრეზიდენტის ადმინისტრაციაში. მელანია ტრამპის ოფიციალურმა წარმომადგენელმა განაცხადა, რომ პირველი ლედის პრიორიტეტებში არ შედის Vogue-ის გარეკანზე მოხვედრა. ყველაფერი, რასაც მელანია დღეისათვის აკეთებს, გაცილებით მნიშვნელოვანია, ვიდრე რაიმე სახის ფოტოსესია.