54 წლის მსახიობი მონიკა ბელუჩი წლებია, Dolce&Gabbana-ს ბრენდთან თანამშრომლობს, ამჯერად კი სამოდელო სახლმა გადაწყვიტა, ეს ტრადიცია მონიკასა და ვენსან კასელის 14 წლის ქალიშვილმა გააგრძელოს.



14 წლის დევა კასელი რაველოში, იტალიური მოდის სახლის ახალი კამპანიის გადასაღებ მოედანზე დააფიქსირეს.



გოგონა ყვითელ პიკაპში თეთრ ჰაეროვან კაბაში გამოწყობილი პოზირებს.



ინსტაგრამზე კიდევ ერთი კადრი გავრცელდა, სადაც დევას ხელში ყვითელი ყვავილები უჭირავს.





ქალიშვილს გადასაღებ მოედანზე ახლდა დედაც. პაპარაცებმა ის კადრები დააფიქსირეს, როდესაც 54 წლის ვარსკვლავი ქალიშვილს ფოტოებს უღებდა და ტელეფონზე საუბრობდა. 






რაც შეეხება თავად მონიკა ბელუჩის, ის 30 წელზე მეტია, რაც Dolce&Gabbana-ს მოდის სახლთან თანამშრომლობს და დღემდე გამოდის ჩვენებებზე.