ერთის მხრივ, ( მისი ერთი ნახევარი) სრულიად აკმაყოფილებდა ტრადიციული მამაკაცის გარდერობიდან აღებულ კოსტიუმს, - სმოკინგისა და პეპელას სახით. მეორეს მხრივ, მას შარვლის ნაცვლად მორგებუილი ჰქონდა - ხავერდის, წვეულებისთვის შესაფერისი ფუშფუშა კაბის ქვედაბოლო Christian Siriano-სგან.
მსახიობის სოციალური ქსელის გამომწერებმა მისი თამამი
„ვოგი“-სთან ინტერვიუში ბილი პორტერმა ისაუბრა თავის უცნაურ არჩევანზე: „მე ყოველთვის მომწონდა მოდა. ბებია და დედა ყოველთვის ითვლებოდნენ გემოვნებიან ქალბატონებად. მათ შემაყვარეს მოდა, თუმცა, ყოველთვის შეზღუდული ვიყავი ამ სიყვარულში. როცა შავკანიანი ხარ თან გეი, შენს მამაკაცურობას ყოველთვის ეჭვქვეშ აყენებენ.
ჩემს გარდერობთან დაკავშირებით ყოველთვის ვაწყდებოდი ჰომოფობიურ შეფასებებს. როცა A&M Records-თან პირველი კონტრაქტი გავაფორმე, მე მოვკეტე. მე მიხდებოდა, ვყოფილიყავი იმ წარმოდგენების შესაფერისი, რაც სხვა ადამიანებს ჰქონდათ ჩემი გარეგნობის მიმართ.
როლი მიუზიკლში "Kinky Boots"-ი, ჩემთვის მოულოდნელი გამოცდილება აღმოჩნდა. როცა მე შევდექი ქუსლებზე, გაცილებით მამაკაცურად ვიგრძენი თავი, ვიდრე ოდესმე. ამ გრძნობამ მომანიჭა თავისუფლება.“ - აღნიშნა ბილიმ. „ახლა ჩემი მიზანია - გავატარო მოსიარულე ხელოვნების ნიმუშის პოლიტიკა. ღონისძიებებზე გამოვცხადდე ისეთი, როგორსაც საზოგადოება არ მელის.
ეს იქნება გამოწვევა ტიპიური მოლოდინებისთვის. რა არის მასკულინობა? ქალები ყოველდღე ატარებენ ქვედაბოლოს. საკმარისია მამაკაცი გამოჩნდეს ქვედაბოლოში, ზღვა ამოვარდება ნაპირებიდან. მე მაქვს სითამამე, რომ დავარღვიო სტატუს-ქვო.
ვფიქრობ, რომ მამაკაცებსაც აქვთ სურვილი, წითელ ხალიჩაზე ითამაშონ ტიპაჟებით. მაგრამ ჩვენი ინდუსტრია ინიღბება ინკლუზიურობით და მამაკაცები ვერ გადიან ამ სტატუსიდან, რადგან მათ შეიძლება უწოდონ ქალურები. რაც ნიშნავს, რომ ისინი არასდროს მიიღებენ „მამაკაცურ“, სუპერმენის როლებს...
წვეულების გამოსასვლელი კაბის მორგება ყოველთვის მსურდა. თუმცა, არ ვიცოდი, როდის და სად ჩავიცვამდი. და, აი, უცებ მივიღე ეს გამოწვევა - მოწვევა წითელ ხალიჩაზე გამოჩენის. ავდექი და ვეწვიე Christian Siriano-ს ( ის ჯერ კიდევ პროექტიდან „პოდიუმი“ მომწონდა და მახსოვდა). რადგან ის ქმნის ტანსაცმელს ადამიანებისთვის და არა მოდელებისთვის ნული ზომით. ვკითხე: გაქვს დრო, რომ კაბა შემიკერო? და მან მიპასუხა: დიახ, რა თქმა უნდა!“ - გვიყვება ბილი. ამ მოვლენას მემების გარეშე არ ჩაუვლია. Twitter-ის მომხმარებლებმა ბილი მულტიპლიკაციური ფილმის „ქალთევზა“ ერთ-ერთ გმირს, ალქაჯ ურსულას შეადარეს. თუმცა, მომხმარებლები განსაკუთრებული კომენტარებით არ გამოირჩეოდნენ, რადგან რამდენიმე კვირის წინ, „გრემის“ ცერემონიალზე იგივე პერსონაჟს კარდი ბი შეადარეს.
მოამზადა ქეთი თავაძემ
