დიტა ეროტიკის სამყაროში ნამდვილი პროფესიონალია და მან მართლაც იცის ყველაფერი იმის ფასი, რაც სექსს უკავშირდება მსოფლიოში ყველაზე ცნობილი სტრიპტიზიორი, ბურლესკის დედოფლად აღიარებული 41 წლის დიტა ფონ ტიზი თურმე ვერაფრით ხვდება, რა წესებით ცხოვრობენ თანამედროვე გოგონები და არ ესმის მათი ეტალონების. მაგალითად, მისი აზრით, 21 წლის მაილი საირუსი უბრალოდ ვულგარულია და არანაირად არ არის ლამაზი.

დიტა ეროტიკის სამყაროში ნამდვილი პროფესიონალია და მან მართლაც იცის ყველაფერი იმის ფასი, რაც სექსს უკავშირდება. თუმცა არ ესმის, რატომ მიიჩნევენ მაილი საირუსს სექსუალურად, ან რატომ იქცა ის ასეთ ვარსკვლავად.

''მე არ ვარ მათ შორის, ვისაც მაილი საირუსი მისი ვულგარულობის გამო არ უყვარს. საერთოდ, მე მომწონს, როცა რაღაც ძალიან ლამაზი ვულგარულთან არის შეხამებული. თუმცა პრობლემა ის გახლავთ, რომ არანაირად არ მგონია მაილი ლამაზი და მით უმეტეს, სექსუალური'', - ამბობს დიტა.

ვარსკვლავი ურჩევს თანამედროვე ახალგაზრდებს, თუ სურთ ნახონ, რა არის ნამდვილი სექსუალურობა და ეროტიკა, ფოტოგრაფ ჰელმუტ ნიუტონის ფოტოებს გადაავლონ თვალი, ისინი მართლაც წარმოსახვაზე მოქმედებენ და დიდ გავლენას ახდენენ. ''შეეშვან რიგითი ვულგარულობით აღტაცებას''.

ჟურნალი ''რეიტინგი''