ბოლო რამდენიმე დღეა, უცხოური მედია აქტიურად წერს იმის შესახებ, რომ სტეფანო გაბანას ჩინეთში დაგეგმილი ჩვენება ჩაეშალა, რაც მისი რასისტული კომენტარის გამო საზოგადოების გაღიზიანებამ გამოიწვია.

საქმე იმაშია, რომ კამპანიისთვის ბრენდის ოფიციალურ გვერდზე გამოქვეყნდა სარეკლამო ვიდეორგოლი, რომელშიც ჩინელი გოგონა იტალიურ კერძს მიირთმევს, საზოგადოება ამ უჩვეულო ფაქტს გამოეხმაურა და ბრენდს მიმართა კითხვით, თუ რატომ არ გადაიღეს სწორედ ჩინური სამზარეულო.






როგორც გაირკვა, სტეფანომ ერთ-ერთ გამომწერს პირად მიმოწერაში უპასუხა, რომ ყველამ იცის ჩინელებისთვის ძაღლის ხორცსაც რომ მიირთმევენ, მიმოწერა, რა თქმა უნდა, სოციალურ ქსელებში მაშინვე გავრცელდა. ჩვენებაში მონაწილეობაზე უარი თქვეს თავად ჩინელმა მოდელებმა, საელჩომ კი ბრენდის გუნდისთვის ვიზების შეჩერების პროცესი დაიწყო.

თუმცა, ამ ყველაფერს თავად სტეფანოც გამოეხმაურა და ყველაფერი უსიამოვნო გაურკვევლობას მიაწერა. როგორც მან აღნიშნა, ინსტაგრამი გაუტეხეს და თავად არ გაუკეთებია შეურაცხმყოფელი კომენტარები.