თურქ მსახიობს, ქივანჩ თათლითუღს ხშირად უწოდებენ „თურქ ბრედ პიტს“, მაგრამ, როგორც აღმოჩნდა, Cesur ve Güzel-ის ვარსკვლავი სულაც არ ყოფილა იდეალურად ლამაზი.

ახალი პროექტის, „Organize İşler 2“-ის კადრებმა, რომელშიც თათლითუღიც მონაწილეობს, ქივანჩის თაყვანისმცემლებს მსახიობის გარეგნობის ის ნაკლოვანებები დაანახა, რომლებსაც ის დიდი ხნის განმავლობაში მალავდა.

როგორც აღმოჩნდა, თათლითუღს მოკლე და მსუქანი თითები აქვს, რომლის გამოჩენასაც ადრე ერიდებოდა. როგორც "Haberturk.com"-ი წერს, ბევრ ფილმში და სერიალში, სადაც ხელები მსხვილი ხედით ჩანს, თათლითუღს დუბლიორი ცვლიდა.

აღსანიშნავია, რომ ჟურნალებისთვის პოზირებისას და სარეკლამო რგოლებშიც მსახიობი მუდამ ცდილობდა თითების დამალვას.