ცნობილი თურქი მსახიობი ბერგიუზარ კორელი 36 წლის გახდა. მსახიობს მეუღლემ, „დიდებული საუკუნის“ ვარსკვლავმა ხალიტ ერგენჩიმ სიურპრიზი მოუწყო და სტამბოლის ცენტრში ერთ-ერთი რესტორანი დაბადების დღის წვეულებისთვის დახურა.

36 წლის იუბილეზე წყვილმა მხოლოდ ოჯახის წევრები და ძალიან ახლობელი ადამიანები დაპატიჟა. მათ შეუთანხმდნენ, რომ დაბადების დღის აღსანიშნავი წვეულების ფოტოებს არ გაავრცელებდნენ.

თურქული მედიის წარმომადგენლებმა ერგენჩის და კორელის გადაღება მხოლოდ რესტორანში შესვლისას შეძლეს და მცირე ინტერვიუ ჩამოართვეს, წყვილმა უარი თქვა გაემხილა, თუ რა აჩუქა ხალიტ ერგენჩმა თავის მეუღლეს.