Victoria’s Secret-ის ანგელოზი ქენდის სვეინპოლი და მისი ბრაზილიელი, ასევე მოდელი ბოიფრენდი ჰერმან ნიკოლი 13-წლიანი ურთიერთობის შემდეგ მეორე ბიჭის მშობლები გუშინ გახდნენ. ამის შესახებ ქენდისის ინსტაგრამიდან გახდა ცნობილი, სადაც მან "სთორიში" პატარას თითების ფოტო ატვირთა.

მოგვიანებით, მან პატარას ფოტო ატვირთა და დაწერა, რომ სახლში იმშობიარა.

"დიდი მადლობა ყველას კეთილი სურვილისთვის... ჩვენი პატარა ბიჭი დილით სახლში დაიბადა, ამაზე მეტი სრულყოფილება შეუძლებელია", - წერს მოდელი.




ქენდისმა პირველი შვილი 2016 წლის ოქტომბერში გააჩინა და 2016 წლის VS-ის შოუ გამოტოვა. 2017 წლის ნოემბერში კი პოდიუმს დაუბრუნდა და Victoria’s Secret-ის შოუ გახსნა. თუმცა, პატარა მუცელი ეტყობოდა.



ქენდისი 13 წელია მოდელ ჰერმან ნიკოლთან არის ურთიერთობაში. 

ქენდისი 17 წლის იყო, როდესაც ჰერმანი გაიცნო და მას შემდეგ ერთად არიან. ის მისი პირველი შეყვარებულია.