სერიალის „დიდებული საუკუნე“ ვარსკვლავმა, მერიემ უზერლიმ კინოდან გაურკვეველი ვადით წასვლაზე განცხადება გააკეთა.

„გადაღებების უამრავი წინადადება მომდის, მაგრამ ყველას უარით ვპასუხობ. გადაღებებით დაკავებული ყველა კომპანია უკვე ინფორმირებულია, რომ ჩემგან გარკვეული დროით უარს მიიღებენ და არანაირ გადაღებაზე არ დავთანხმდები“, - განმარტა მერიემ უზერლიმ თურქულ მედიასთან.



მსახიობის განცხადებამ შოკში ჩააგდო მისი ერთგული თაყვანისმცემლები, რომლებსაც სურვილი ჰქონდათ, უზერლი ფილმებსა და ტელეეკრანებზე ხშირად ენახათ - აღსანიშნავია, რომ ამ დროისთვის მისი ბოლო როლი ფილმში „Öteki taraf“ შეასრულა. ფილმი ეკრანებზე 2017 წელს გამოვიდა.



მედია ცდილობს გამოიცნოს, რატომ გადაწყვიტა პოპულარობის პიკზე მყოფმა მსახიობმა კინოდან წასვლა - უკავშირდება ეს პირად ცხოვრებაში ცვლილებებს, თუ შესაძლო ფეხმძიმობას.



ანა გარელი