ახალდაქორწინებული სამეფო წყვილი გუშინ პირველად გამოჩნდა საზოგადოებაში ახალი სტატუსით, ისინი ოჯახის დანარჩენ წევრებთან ერთად, წმ. გიორგის სახელობის ტაძარში პრინცი ჩარლზის საპატივცემულოდ შეიკრიბნენ. შეხვედრაზე მეგანსა და ჰარის სხვადასხვა საქველმოქმედო ორგანიზაციიდან მოწვეული 6000-მდე სტუმარი შეუერთდა, მათი ნაწილი სწორედ ის ადამიანები არიან, რომლებმაც საკუთარ თავზე აიღეს გასული წლის მანჩესტერის ტრაგედიის სავალალო შედეგები.



სასექსის ჰერცოგინიამ ამჯერად ღია ფერის გრძელმკლავიან კაბას შეუხამა Philip Treacy-ის მომხიბლავი ქუდი, რომელიც მყარად შეკრულ თმას ნამდვილად მოუხდა.

მეგანის ლუქში სამეფო ოჯახის პროტოკოლიდან გამომდინარე, ღია ფერის კოლგოტიც შედიოდა, რადგან სამეფო კარზე მიუღებელია მის გარეშე მაღალი რანგის ქალბატონის საზოგადოებაში გამოჩენა.



შეხვედრა პრინცი ჰარის მიერ წარმოთქმულმა სიტყვამ გაახალისა, როცა მას აბეზარი ფუტკარი დაესხა თავს.


ამ "თავდასხმამ" ჰერცოგინიები გაახალისა, მოგვიანებით მათ პრინცი ჩარლზიც შეუერთდა.



როგორც ჩანს, მეგანს უკვე საკმაოდ ახლო ურთიერთობა აქვს პრინც ჩარლზთან და მის მეუღლესთან, განსაკუთრებით მას შემდეგ, რაც ჩარლზმა საკუთარ თავზე აიღო ქორწილის ცერემონიაზე მომავალი რძლის საკურთხევლამდე მიცილების მოვალეობა.