„მისის ტრამპმა კეთილთვისებიანი სიმსივნის სამკურნალოდ თირკმლის ემბოლიზაციის პროცედურა ჩაიტარა. პროცედურამ გართულებების გარეშე, წარმატებით ჩაიარა“, - აცხადებს სტეფანი გრიშენი.
ოპერაცია უოლტერ რიდის სახელობის ეროვნული სამხედრო-სამედიცინო ცენტრის ქირურგების მიერ ჩატარდა - აშშ-ს პრეზიდენტის მეუღლე ცენტრში ერთ კვირას დაჰყოფს.
„უოლტერ რიდის სახელობის სამედიცინო ცენტრს აშშ-ს უმშვენიერესი პირველი ლედის, მელანიას მოსანახულებლად ვეწვიე. პროცედურა წარმატებით დასრულდა, ის კარგ განწყობაზეა. მადლობა ყველა კეთილისმსურველს“, - წერს Twitter -ზე აშშ-ს პრეზიდენტი, დონალდ ტრამპი.
ანა გარელი
