რუსული მედიის ცნობით, დედ-მამა 12 წლის გოგონას 3 თვის განმავლობაში სისტემატურად აუპატიურებდა.

საზარაელი ფაქტი ვოლგოგრადში მოხდა და მას შემდეგ გახმაურდა, რაც დედამ გოგონა გინეკოლოგთან მიიყვანა, რადგან მას პრობლემები ჰქონდა. გასინჯვის შემდეგ ექიმმა აღმოაჩინდა, რომ მეექვსე კლასის მოსწავლეს აქტიური სექსუალური ცხოვრება ჰქონდა. ექიმმა პოლიციას მიმართა, რის შემდეგაც ცოლ-ქმარი დააკავეს. მათი ასაკი 34-34 წელია.

დაკითხვისას გოგონას დედამ განაცხადა, რომ მან და მისმა ქმარმა გადაწყვიტეს შვილი ზრდასრული ცხოვრებისთვის „მოემზადებინათ“ და მასთან სექსუალური კავშირი დაიწყეს. როგორც აღმოჩნდა, მათ გოგონა თავიანთ საძინებელში შეჰყავდათ და ჯგუფური სექსით კავდებოდნენ, გოგონა ხშირად მარტო რჩებოდა მამასთანაც. დედამ აღიარა, რომ ის 13 წლის იყო, როდესაც გააუპატიურეს, ამიტომ ქმართან ერთად გადაწყვიტა, რომ უმჯობესი იქნებოდა შვილს ქალიშვილობა მამისგან დაეკარგა და ინტიმური ცხოვრების შესახებ მშობლებისგან გაეგო.

როგორც გამოძიებამ გაარკვია, გოგონა სკოლაში კარგად სწავლობდა, თუმცა, თებერვლიდან სკოლაში სიარული შეწყვიტა. მასწავლებლებს მშობლებმა შეატყობინეს, რომ ის ცუდად იყო.

პოლიციამ ორივე მათგანი დააკავა, გოგონა კი სარეაბილიტაციო ცენტრშია მოთავსებული.