ადრეულ ასაკში ვალერი მელაძემ ნიკოლაევის გემთმშენებლის ინსტიტუტი დაამთავრა და ინჟინერ-მექანიკოსი გახდა. თუმცა, საბოლოოდ, მაინც მუსიკამ გაიმარჯვა.

26 წლის წინ, მელაძე სოლო კომპოზიციით პირველად გამოჩნდა, სადებიუტო ალბომმა „Сэра“ კი მომღერალს მთელ რუსეთში გაუთქვა სახელი.

ცოტა ხნის წინ, „პირველი არხის“ წამყვანმა, ირინა მურომცევმა იმ დროში გადაღებული იშვიათი ფოტო გამოაქვეყნა. ფოტოზე ჟურნალისტი ახალგაზრდა ვალერი მელაძესთან ერთადაა გადაღებული, რომლისგანაც ის ინტერვიუს იღებდა.

ფოტომ სოციალური ქსელის მომხმარებლებში ნოსტალგიური გრძნობები გააღვიძა, ემოციური აღმოჩნდა მათი შეფასებები. გამომწერებმა მომღერლის საარქივო ფოტოზე საქართველოს ექს-პრეზიდენტთან მოულოდნელი მსგავსებაც აღნიშნეს: „ახალგაზრდები“; „კარგები“; „რთულია ვალერი მელაძე ვერ იცნო“; „მიხეილ სააკაშვილი“.

ანა გარელი