ჟურნალმა People 2018 წლის ყველაზე ლამაზ ქალად მომღერალი Pink-ი დაასახელა. ვარსკვლავი გამომცემლობის გარეკანზე ბავშვებთან - 6 წლის უილოუ სეიჯთან და 1 წლის ჯეიმსონ მუნთან ერთად მოხვდა.

People-ის რედაქციის მიერ მის მონათვლვას Pink-ი ირონიულად მიუდგა, ელენ დეჯენერესის შოუში განაცხადა, რომ ახლა თავს უფრო ლამაზად გრძნობს - „მთელი კვირის მანძილზე, ვიდრე ეს ჟურნალი გაყიდვაში იქნება, თვალებში შემოხედვას ვერავინ გაბედავს“.

აღსანიშნავია, რომ სწორედ მომღერლის იუმორს ასახელებენ მის საუკეთესო თვისებად. „ვფიქრობ, რომ იუმორის გრძნობა ჩემი საუკეთესო ნაწილია“, - ამბობს არტისტი. ამასთან, სილამაზესა და მისკენ სწრაფვაში Pink-ი სულელურს ვერაფერს ხედავს - იქნება ეს გარეგნული, თუ შინაგანი სილამაზე.

შეგახსენებთ, რომ ჟურნალმა People გასულ წელს ყველაზე ლამაზ ქალად ჯულია რობერტსი დაასახელა.

ანა გარელი