ბოლო დროს უცხოური პრესა ხშირად წერს იმაზე, რომ პრინცი უილიამი და ქეით მიდლტონი ტყუპს ელოდებიან, თუმცა, კენსინგტონის სასახლეს ამაზე აქამდე არანაირი კომენტარი არ გაუკეთებია და ჯერჯერობით, არც ბავშვის სქესი გაუმხელიათ.

როგორც Elle.ru გვამცნობს, სასახლეში Centrepoint Awards-ის საღამო გაიმართა, რომლის დროსაც პრინცმა უილიამმა ოჯახში მოახლოებულ მატებაზე ისაუბრა.

უილიამის თქმით, ახლა ის და მისი ცოლი გამოძინებას ცდილობენ, რადგან საკუთარი გამოცდილებიდან იციან, რომ ახალშობილის პირველი თვეები უძილობასთანაა დაკავშირებული. ტყუპზე დასმულ შეკითხვას პრინცმა ხუმრობით უპასუხა: "ტყუპი? ვფიქრობ, ეს ზედმეტად დიდი გამოწვევა იქნებოდა ჩემი ფსიქიკისთვის".
























მოგვიანებით პრინცმა კიდევ ერთხელ უარყო, რომ ქეითი ტყუპს ელოდებოდა: "ორი შვილი - შესანიშნავია. არ ვიცი, მესამეს როგორ გავუმკლავდები".
შეგახსენებთ, რომ ჰერცოგსა და ჰერცოგინიას უკვე ჰყავთ პრინცი ჯორჯი და პრინცესა შარლოტა - სამეფო წყვილის მესამე შვილი აპრილში დაიბადება".

ანა გარელი