პრინცესა ეუხენია რამდენიმეწლიანი ურთიერთობის შემდეგ ცოლად ჯეკ ბრუქსბენკს გაჰყვება. წყვილმა ამის შესახებ ბუკინგემის სასახლეში გამოაცხადა.

იორკის ჰერცოგისა და ჰერცოგინიას თანხმობით, ჯვრისწერა წმინდა გიორგის სამლოცველოში, ვინდსორის სასახლეში შემოდგომაზე გაიმართება. მაისში ამავე ტაძარში პრინცი ჰარი და მეგანი იქორწინებენ.

ბუკინგემის სასახლის სპეც-სპიკერის თქმით, პატარძლის ბებია, ედინბურგის დედოფალი ახალი ამბით ძალიან გახარებულია და წყვილს ბედნიერებას უსურვებს.



ემოციებს ვერც ბრუქსბენქის მშობლები მალავენ და შვილის ქორწინებას მთვარეზე ყოფნას ადარებენ.

ეუხენიას ნიშნობის ბეჭდის თვალი იშვიათი მოვარდისფრო ფორთოხლისფერი

საფირონია, რომელიც სავარაუდოდ, შრილანკაშია დამუშავებული. ოვალური საფირონი ბრილიანტებითაა გარშემორტყმული. აღსანიშნავია, რომ გოგონას დედის საქორწინო ბეჭედსაც ანალოგიური დიზაინი აქვს, თუმცა, საფირონის ნაცვლად იგი ლალის ქვითაა დამშვენებული.



27 წლის პრინცესა ეუხენია სამეფო ოჯახის უმცროსი ქალიშვილია და დაქორწინებით იგი სამეფო ტიტულის კანონიერი მატარებელი ხდება, ამასთან მას მეუღლის გვარზე გადასვლის უფლებაც აქვს.



ეუხენიას ცხოვრება ხელოვნებასთან - მხატვრობასთანაა დაკავშირებული. მას სამეფო საქმეებში ჩარევა არ ხიბლავს და აცხადებს, რომ პოზიციას არც დაქორწინების შემდეგ შეიცვლის. იგი აქტიურადაა ჩართული საქველმოქმედო ორგანიზაციების საქმიანობაში, განსაკუთრებით ცხოველთა უფლებების დაცვისთვის იბრძვის.

წყარო : ბიბისი

მარიამ ელიაშვილი