მსახიობმა ჰულია ავშარმა, რომელმაც სერიალში "ქოსემ სულთანი" ერთ-ერთი მთავარი როლი შეასრულა და საფიე სულთანი განასახიერა, მედიას პირად ცხოვრებაზე შოკისმომგვრელი ამბავი ამცნო.













კინოპრემიერაზე ჟურნალისტებთან საუბრისას, კითხვაზე "რა არის ახალი?", 54 წლის მსახიობმა უპასუხა - "მე ფეხმძიმედ ვარ".
თურქულ შოუ-ბიზნესში ეს სიახლე მთავარ მოვლენად იქცა, ყველა გაზეთი, საინფორმაციო ვებგვერდები მოიცვა და ახალი ამბების გამოშვებაშიც მოხვდა. ამბავი დეკემბრის მთავარი სენსაცია გახდა.




















თუმცა, როგორც საბოლოოდ გაირკვა, ავშარმა ჟურნალისტებთან იხუმრა, მათ კი ხუმრობა სერიოზულად აღიქვეს და სიახლე სენსაციურ ამბად აქციეს.

"ვერ ვიჯერებ, რომ ხალხმა ჩემი ნათქვამი სერიოზულად მიიღო. მაგრამ ჩემი ხუმრობა სიმართლედ მიიჩნიეს. ასე როგორ შეიძლება? ამ ქვეყანას ვტოვებ..." - განაცხადა ჰულია ავშარმა თურქულ მედიასთან.