ტორონტოში მდებარე სახლი, სადაც მანამდე მეგან მარკლი ცხოვრობდა, დიასახლისმა გასაყიდად გამოიტანა. ასე რომ, ახლა ყველას შეუძლია იხილოს, როგორ ცხოვრობდა მსახიობი პრინცთან შეხვედრამდე.

არც თუ ისე დიდი, 6-ოთახიანი სახლი გაყიდვების სააგენტომ 1 395 000 დოლარად შეაფასა. მყიდველები სახლის დიასახლისის ტელეფონს უკვე არ ასვენებენ - როგორც ჩანს, მეგან მარკლის სახელი უკვე ნამდვილ ბრენდად იქცა.

როგორც წყაროები გვამცნობენ, სახლის ფასი გაიზრდება, თუ მოთხოვნა შენარჩუნდება.

სხვათაშორის, პრინცმა ჰარიმ ნოემბრის დასაწყისში საყვარელ ქალს ხელი სწორედ ამ სახლში სთხოვა, როცა "ქათამს წვავდნენ". თანხმობიდან რამდენიმე დღის შემდეგ კი კენსინგტონის სასახლის ტერიტორიაზე მდებარე კოტეჯში გადავიდნენ.

ანა გარელი