გასულ კვირას ალა პუგაჩოვას შვილისშვილის, ნიკიტა პრესნიაკოვის ქორწილი გაიმართა. 26 წლის მუსიკოსმა 20 წლის ალიონა კრასნოვაზე იქორწინა, რომელსაც 4 წელი ხვდებოდა. პატარძალი გაშლილ, მაქმანიან საქორწინო კაბაში, საქმრო კი კლასიკურ სმოკინგში იყო გამოწყობილი.

მდიდრულ ქორწილს ორგანიზება ქრისტინა არბაკაიტემ გაუწია - ალიონასთან ერთად ის ყველა დეტალს განიხილავდა, შემდგომ კი თვალყურს ადევნებდა, რომ ყველაფერი იდეალურად გამოსულიყო.

წვეულებას 200 სტუმარი ესწრებოდა, მათ შორის იყვნენ რუსული შოუ-ბიზნესის ვარსკვლავებიც.

წყვილს ბებომ და მშობლებმა მოსკოვის ცენტრში 60 მლნ რუბლის ღირებულების ბინა და 50 ჰექტარი მიწის ნაკვეთი აჩუქა.

ანა გარელი