მიმდინარე წლის თებერვლის ბოლოს ნატალი პორტმანი დედა მეორედ გახდა. ჰოლივუდის მსახიობსა და მის მეუღლეს, ბენჟამინ მილპიეს ქალიშვილი, ამელია შეეძინათ. გარკვეული დროის განმავლობაში წყვილი ბავშვს უცხო თვალისგან მალავდა, თუმცა ბოლო დროს ნატალი ახალშობილთან ერთად ფოტოკამერების წინ ხშირად ჩნდება.

გუშინ, პაპარაცებმა მსახიობი გოგონასთან ერთად ლოს-ანჯელესის ქუჩებში დააფიქსირეს.

მშობიარობის შემდეგ, მიუხედავად წონაში ცოტაოდენი მატებისა, პორტმანი შესანიშნავად გამოიყურება, თუმცა მთავარი ყურადღება ბავშვს დაეთმო, რადგან ეს პირველი ფოტოა, სადაც მისი სახე მოჩანს.

მიუხედავად იმისა, რომ ამელი ჯერ მხოლოდ 3 თვისაა, თაყვანისმცემლები მიიჩნევენ, რომ ის მამის ასლია, მეორე მხარე კი ამტკიცებს, რომ ტუჩები და თვალები მას დედისგან ერგო.

ნატალის ქალიშვილი 22 თებერვალს შეეძინა. ბენჟამინ მილპიე და პორტმანი ასევე უფროს ვაჟს, ალეფს ზრდიან, რომელიც 2011 წლის 4 ივნისს დაიბადა.

ანა გარელი