პრინც ჰარის რამდენიმე ვრცელი ინტერვიუს შემდეგ, სადაც ისაუბრა, თუ რამდენად განიცადა დედის გარდაცვალება, ამ თემასთან დაკავშირებით საკუთარი აზრი გამოთქვა პრინცმა უილიამმაც. კემბრიჯის ჰერცოგის თქმით, მას 20 წელი დასჭირდა, რომ მომხდარი ბოლომდე გაეაზრებინა და დედის სიკვდილს შეგუებოდა.

დღეს პრინცი უილიამი ყველაზე მეტად განიცდის იმას, რომ პრინცესა დიანა ვერასდროს გაიცნობს მის ცოლს, ქეითს, ვერ ნახავს, როგორ იზრდებიან მისი შვილიშვილები, რომლებიც ასევე ვერასდროს გაიცნობენ ლედი დის.

უილიამი ჰყვება, რომ ჰარისა და მას ბავშვობიდან საკუთარი ემოციების მართვას ასწავლიდნენ, ამიტომ პრინცესას სიკვდილის შემდეგ საკუთარ თავში ჩაკეტვის, "ემოციების შიგნით, სიღრმეში დამარხვის" მეტი არაფერი რჩებოდათ. შედეგი კი ორივე ძმის ხანგრძლივი დეპრესიის მიზეზი გახდა - მხოლოდ მრავალი წლის შემდეგ შეძლო უილიამმა, ვრცლად ესაუბრა მენტალურ ტრავმებსა და დაავადებებზე, რაც ორივე ძმისთვის ძალიან ახლობელი იყო.

ცოტა ხნის წინ, პრინცესა დიანას უფროსმა ვაჟმა მორიგ წესდებას მოაწერა ხელი, რომელშიც ბრიტანეთის ტახტის მემკვიდრეების აღზრდის წესები გადაიხედა. ჰერცოგმა სამეფო ოჯახის წევრებს მოუწოდა პირველ რიგში ემოციების ყოველთვის დამალვის ტრადიციაზე თქვან უარი.

უილიამი იმედოვნებს, რომ პრინცი ჯორჯი და პრინცესა შარლოტა შემდგარი პიროვნებები გაიზრდებიან, რომლებსაც არ შეეშინდებათ საკუთარ პრობლემებსა და განცდებზე გულღიად საუბარი, რის კეთებაც მას, თავის ძმასთან, პრინც ჰარისთან ერთად უწევდა.

ანა გარელი