გამომცემლობა The Daily Telegraph-ის მიერ გავრცელებული ინფორმაციით, დიდ ბრიტანეთში მეორე მსოფლიო ომის 90 წლის ვეტერანმა სქესი შეიცვალა.

რამდენიმე წლის წინ, ლესტერშირის საგრაფოს მცხოვრებმა, პიტერ დევისმა, სახელად პატრიცია შეარჩია, შეცვალა საბუთები და ჰორმონალურ თერაპიას მიმართა.

„ამაზე საუბარი რამდენიმე მეზობელთან დავიწყე. ყველა მპასუხობს: ნუ ნერვიულობ, თუ შენ ეს გაბედნიერებს“ - ამბობს დევისი.

მისი თქმით, ის ბავშვობიდან გრძნობდა, რომ სხვა ბიჭებს არ ჰგავდა, თუმცა ამაში გამოტყდომა მაშინ უსაფრთხო არ იყო.

2015 წელს დევისმა ბრიტანული სიტკომი Boy Meets Girl იხილა, სადაც მთავარ როლს ტრანსგენდერი მსახიობი რებეკა რუთი თამაშობს. ამან პიტერი დაარწმუნა, რომ შეხედულებები შეიცვალა და სქესის შეცვლის გადაწყვეტილებაც მიიღო.

„ისეთი შეგრძნებაა, თითქოს მხრებიდან ლოდი ჩამოვიხსენი. აქამდე ტყუილში ვცხოვრობდი“ - ჰყვება პატრიცია.

ანა გარელი