''ევროვიზია-2017''-ის კონკურსზე რუსეთს 26 წლის მომღერალი, იულია სამაილოვა წარადგენს. ამის შესახებ რუსეთის პირველი არხი გვამცნობს. სწორედ ამ არხზე შედგა მისი საკონკურსო სიმღერის "„Flame Is Burning“ პრემიერა.

მომღერალი ბავშვობიდან პირველი ჯგუფის ინვალიდია. 13 წლის ასაკში მას "ზურგის ამიოტროფია - Verdniga-Hoffmann“ -ის დიაგნოზი დაუსვეს. თავად გოგონა კი, ინვალიდობის მიზეზად, ბავშვობაში აცრის არასწორად გაკეთებას ასახელებს.






იულია კომის რესპუბლიკაში დაიბადა. მას უამრავ კონკურსში ერთხმად გაუმარჯვია. 2013 წელს, ალა პუგაჩოვას პროექტის "Фактор А" მესამე სეზონის ფინალისტი გახდა. 2014 წელს სამაილოვამ ზამთრის ოლიმპიური თამაშების საზეიმო გახსნაზე მიიღო მონაწილეობა. თავად იულიას თქმით, რუსეთის პირველმა არხმა სწორედ მაშინ შენიშნა ის.


''ევროვიზიისთვის'' შექმნილ მუსიკასა და ტექსტზე ლეონიდ გუტკინმა იმუშავა, რომელიც გასული წლების კონკურსანტების - პალინა გაგარინასა და დინა გარიპოვას სიმღერის ავტორი გახლავთ.

ანა გარელი