როგორც 1news.az - ი გვამცნობს, გერმანიაში თურქული შოუ-ბიზნესის ერთ-ერთი ყველაზე ლამაზი წყვილის, მსახიობების - ბურაქ ოზჩივიტისა და ფაჰრიე ევჯენის ნიშნობა გაიმართა.

ნიშნობა ევჯენის მშობლიურ ქალაქ ზოლინგენში შედგა, სადაც მსახიობის მშობლები ცხოვრობენ. ოზჩივიტმა ფაჰრიეს მშობლებს შვილის ხელი ოფიციალურად სთხოვა, რაზეც თანხმობა მიიღო.






ცერემონია ოჯახის წევრებისა და მეგობრების ვიწყო წრეში გაიმართა. სოც.ქსელში კი ნიშნობის ფოტოები უკვე გავრცელდა.

მსახიობების ქორწილი 2017 წლის ზაფხულშია დაგეგმილი, რომლისთვისაც მზადება, როგორც თურქეთში, ისე გერმანიაში უკვე დაიწყო.



შეგახსენებთ, რომ ოზჩივიტმა ევჯენს ხელი დაბადების დღეზე სთხოვა და 90.000 თურქული ლირის ღირებულების ბეჭედი აჩუქა.



ვარსკვლავური რომანი 3 წელია გრძელდება - მათ ერთმანეთი გადასაღებ მოედანზე გაიცნეს.

ანა გარელი