ხარკოვში ახალგაზრდა დედა ძიძას ორწლინახევრის შვილის მიმართ სასტიკ მოპყრობაში სდებს ბრალს. მტკიცებულებისთვის ქალმა ვიდეოჩანაწერი გამოაქვეყნა, სადაც ისმის შეურაცხყოფა და დაცინვა.

ახლა ორწლინახევრის პაშა მშვიდი და მხიარული ბავშვია. თუმცა ცოტა ხნის წინ, ანამ შეამჩნია, რომ ძიძასთან ურთიერთობის შემდეგ ის ნერვიულებული გახდა, ამიტომ პაშას დედამ გადაწყვიტა ძიძა შეემოწმებინა და სახლში დიქტოფონი ჩართო.

თუმცა სახლში, 52 წლის ძიძის, ჟანეტ დავიდიანის გამოჭერა ვერ მოხერხდა. ჟანას ვაჟი კი ამტკიცებს, რომ დიქტოფონზე ჩაწერილი ხმა დედამისის ხმა არ არის.

თავად ჟანეტიც ირწმუნება, რომ ჩანაწერი ყალბია. პაშას დედას უბრალოდ მისი გაგდება სურს, რადგან ხელფასის გადახდას ვერ ახერხებს.

"მე მას ვკითხე. ანია, რა ხდება? იქნებ ფულის მოცემა არ გსურთ? ის გადასახადზე საერთოდ დუმს. მას ჩემი ათას გრინვზე მეტი მართებს".

ანნა იაკიმენკო სიმართლის დამტკიცებას სასამართლოში აპირებს, თუმცა იურისტების თქმით შანსები მცირეა, რადგან ძიძის მიერ ბავშვის ცემის მტკიცებულება არ არსებობს.

იაკიმენკოს საპასუხოდ სასამართლოში სარჩელის შეტანას ჟანეტიც აპირებს. ამ სკანდალის შემდეგ მას სამსახურის მოძებნა გაუჭირდება. ანნა ხომ ახლა ახალ ძიძას ეძებს. შვილის უსაფრთხოებისთვის კი სახლში ვიდეო კამერების დამონტაჟებას აპირებს.

ლეა ხიმშიაშვილი
წყარო