პროექტი სატელევიზიო ბაზარზე პირველობას არ თმობს და ამიტომ არ არის გასაკვირი, რომ კონკურსანტები უკვე მიზანმიმართულად ემზადებიან ''ნიჭიერისთვის'' და სპეციალურად შოუსთვის განსხვავებულ და ორიგინალურ ნომერებს აკეთებენ.
იციან, რომ კონკურენცია გაიზარდა და რამე განსხვავებული თუ არ შექმენი ჟიურის გაკვირვება და ამ სეზონზე მინიმუმ სამი
გეგა ფალავანდიშვილი შოუს ყველა სეზონში ჟიურიში ზის და იმდენი ორიგინალური ნომერი აქვს სცენაზე ნანახი, რომ კონკურსანტები მისი გულის მოსაგებად განსაკუთრებულად იბრძვიან.
გეგას სიმკაცრით ჟიურის სხვა წევრებიც არ ჩამორჩებიან, თუმცა ამას უკვე ტელევიზიით ნახავთ. ოთხი განსხვავებული პროფესიის ადამიანის ტანდემი ცალკე საყურებულია. დარწმუნებული ვარ მაყურებელი ახალი ჟიურით კმაყოფილები დარჩება.
ამჯერად ''ნიჭიერის'' კონკურსანტებიდან ნინო ქუთათელაძეს გაგაცნობთ. ნინო პირველი სეზონის ნახევარფინალისტი, სოლო მოცეკვავე იყო. წელს კი სპეციალურად ''ნიჭიერი'' -სთვის ახალი გუნდი შეკრიბა და ფილარმონიის სცენაზე საოცარი წარმოდგენა გამართა.
თავად ამჯერად ქორეოგრაფის ამპლუაში მოგვევლინა და დარბაზის და ჟიურის გაოცება ახალი და განსხვავებული ნომერით შეძლო.
ჯგუფს ''დანს არტი'' ჰქვია და სცენაზე ახალი ჟანრი ''ჩრდილების თეატრი'' გამოიტანა. დარბაზი, ჟიური და წამყვანები ერთხმად აღიარებდნენ, რომ ასეთი ნომერი ჯერ ქართულ ''ნიჭიერში'' არ უნახავთ.
ეს იყო არა მხოლოდ ქორეოგრაფია არამედ რამდენიმეწუთიანი ფილმი ჩრდილების შესრულებით. ამ ნომერს ორშაბათს, პირველ სერიაში იხილავთ და დარწმუნებული ვარ, ეკრანთან მჯდომი მაყურებელიც ისევე მოიხიბლება როგორც ჟიური და ჩვენ.
ფოტოგრაფი: ნიკოლოზ ცანავა
ნინო გიგიშვილი
სპეციალურად ''რეიტინგის'' საიტისთვის
