რამდენიმე სათისწინ შალვა რამიშვილმა სოციალურ ქსელში დაწერა, თუ რა შეემთხვა, ბაზალეთში შალვა ნათელაშვილის სახლში სტუმობისას. 
„შალვა რამიშვილი- ჩვენი დროის ალისტრახო. მისი თქმით, ბელა ალანიამ შალვა რამიშვილს სახეში მუშტის ჩარტყმის გამო უჩივლა.

შალვა რამიშვილს ბელა ალანიამ ფეისბუქზე უპასუხა.

შალვა, შემდეგისთვის რომ იცოდე და გაითვალისწინო ზრდილობის ნორმები, გეტყვი, რომ როცა ვინმესთან სტუმრობას აპირებ, ჯერ უნდა დაურეკო,, შეუთანხმდე და მერე მიხვიდე შესახვედრად.

არასოდეს ქურდულად არავის მიეპარო. უხერხულია, ჭიშკრის გატეხვა, პირად საკუთრებაში შეჭრა და ქურდივით სხვის ეზო-კარში ბოდიალი.

მით უმეტეს, როცა სახლში მასპინძელი არაა და არც არავის უხარია შენი- შალვა რამიშვილის, ძალადობასა და შანტაჟში მხილებული ადამიანის მიღება.

შალვა, უნდა განგიმარტოთ, როდესაც აკრედიტაციის გარეშე, ბეჯის გარეშე, ამოსაცნობი ლოგოს გარეშე კამერებით იჭრები სხვის საკუთრებაში, ეს სისხლის სამართლის დანაშაულია. დამიჯერე, მე იურისტი ვარ.

ხო მართლა, ყავა როცა მოგართვეს ჩემმა მეგობრებმა, ცუდია, რომ ხელი გვიკარი, სასწრაფოდ გაიქეცი. გეტყობოდა, დაკვეთა ვერ შეასრულე, გამწარებული გარბოდი. საწადელს ვერ მიაღწიე და მწყობრიდან ვერ გამოიყვანე ვერავინ, ანუ თავი ვერ აცემინე, როგორც ჩაფიქრებული გქონდა შენი 'შოუსთვის'. გულით მეცოდები ჩვენო "ალისტრახო".

უხერხულია, შალვა ნათელაშვილს ვერ შესწვდი და მის ოჯახზე გაილაშქრე?

ამ სურათებში ჩანს ყოველგვარი ამოსაცნობი ნიშნების გარეშე მობრძანებული 'სტუმარი", ბაზალეთებმა შემოგითვალეს, ნეტავ, რამიშვილის დედა გვანახა, ასეთი არამზადა რა დედამ გაზარდა, ამდენი ტყუილი ვინ ასწავლა, სოფლელებს გვაბრალებს ცელებითა და ფიწლებით დახვედრასო. სხვათა შორის სოფლის მოსახლეობამ გამოიძახა პოლიცია. შეგიძლიათ გამოძახება გადაამოწმოთ“. წერს ბელა და ფოტოებს აქვეყნებს, სადაც შალვა რამიშვილის ბაზალეთში სტუმრობის მომენტებია ასახული.