მსახიობი ალეკო ბეგალიშვილი ბევრისთვის ცნობილი სერიალ ''ჩემი ცოლის დაქალებიდან'' გახდა. ყოვლისშემძლე დუდუს, (რომელიც ქვეყანაში ყველაზე რთულ პრობლემებს აგვარებს), მეუღლე თაღლითების ხელში მოხვდა და საცხოვრებელი ბინა გაყიდა. 

ალეკო ბეგალიშვილს რეალურ ცხოვრებაშიც ბინის პრობლემა აქვს. სერიალის გადაღებებზე იმყოფებოდა, როდესაც მის ბინაში ხანძარი აჩნდა. 

ჟურნალ ''სარკესთან'' მსახიობი მის ბინაში მომხდარ პარანორმალურ მოვლენებზე საუბრობს. მისი თქმით მასთან ბინაში მოჩვენება ცხოვრობს. 

"არ მიყვარს სახლი, თითქოს დაწყევლილია. სულ რაღაცები ხდებოდა, ძაღლი მომყავდა - კვდებოდა, ყვავილს დავთესავდი - ჭკნებოდა.

დედა ამბობდა, თქვენმა დიდმა ბებიამ ხატზე გადასცა ბაბუათქვენი და მას შემდეგ ვართ მასეო.

ხომ იცით, ძველი ადამიანი რას არ იტყოდა. ის კი მართლა უცნაური სახლია.

ხმები ისმის, ვიღაცები დადიან. ჩემი ცოლ-შვილი მიეჩია უკვე. თითქოს ვიღაც დადის კარი გაჯახუნდება.

მობილურს ერთ ადგილას, რომ დავდებ, გავიხედავ და გადაადგილებულია. სულ რაღაცას უნდა წამოვედო.

სახლიც ბევრჯე ვაკურთხებინე, მაგრამ იგივე გრძელდება. ბევრჯერ მინდოდა, გამეყიდა ეს სახლი, მაგრამ ვერ შევძელი", - ამბობს მსახიობი ალეკო ბეგალიშვილი.